Cascos gasta bufanda oversize

La comedia esta de Cascos ta a piques d’acabar con pinta de ser un fracasu de crítica y públicu. Les imáxenes de l’aparición última d’esti paisanu en Siero dan cuenta del patetismu nel que ta enllamargáu el PP asturianu. San Cascos, el so gran salvador, aquel que nos 90 se cargó la posibilidá de facer del PP un partíu sólidu n’Asturies, ya nun ta pa baños de mases. Ye más una especie de friqui con traces al que namás-y siguen peperos rebotaos y periodistes. Lo más consistente que se puede sacar de su visita absurda a Siero ye que gusten-y les bufandes ‘oversize’, que nun sé si ye otra d’eses tendencies piḥes, como peinase p’atrás con gomina o siguir l’actualidá del pádel nacional n’Intereconomía, pero ye igual d’absurda. ¿Pa qué se pon una bufanda que-y escolinga hasta la entrepierna?

Esta semeya, del foteru d’El Comercio, Pablo Nosti y publicada nesta galería, ye la preba de lo que digo.  Cascos ya nun tá pa axuntar a cientos de correlixionarios. Cascos asusta a les paisanes que tienen que facer maniobres arriesgaes col carru la compra y salise del pasu cebra pa nun topase pela cai con elli, que tal paez un Luis Aguilé d’hibiernu.

El casu ye que esta historia ya fiede. Qu’esti papelón del PP (el de los ya de por sí desprestixaos medios de comunicación asturianos, ye otra), ye’l reflexu del trunfu social del PSOE. Guste o non, n’Asturies tenemos un partíu únicu, que llega a tolos requexos de la sociedá asturiana, a toos, dende la indixencia a los Masaveu, y que consiguió controlar a distancia a un PP cuya dirección, como si de Belén Esteban se tratare, mata por siguir apigazando nos escaños y calteniendo la so posición privilexada y atopadiza. Por eso a Cascos namás-y queden los rebotaos, los friquis que nagüen por un PP asambleariu nel que s’acepte lo que dicen les bases (y creen en Cascos, ya, son asina de necios, prubinos). El casu ye que cuidadín con Juan Morales.

3 pensamientos en “Cascos gasta bufanda oversize”

  1. Bufanda oversize, ya lo que yía peor: Colorada. Aú diremos parar con esta dereicha….

  2. El PP d’Asturies ye simplemente una corriente d’opinion del PSOE d’Asturies y la Plataforma pro Cascos ye el tea party asturianu … nun hay oposicion politica a la PSOE ,,,

  3. leyendo entradas de este tipo uno se da cuenta que lo poco que entienden algunos de política, este hombre es el único que nos puede sacar del pozo en el que estamos. y decir que esta acabao y que es un friqui… como se nota de donde cojeais. si es así ¿por qué con él el pp de asturias arrasaría en las elecciones? por favor un poco de criterio, vale las críticas ideológicas, pero es que hay cosas que desde luego…

    hombre yo del “papelón” del pp se lo que leo por la prensa, pero mucho mejor no estais los asturianistas que ahí si que teneis batallas para uniros

Leave a Reply

Your email address will not be published. Required fields are marked *

*