Vicente Díaz pa Eurovisión

Vicente D�az pa Eurovisión

Dende guah.e esfruto viendo el popular concursu de la canción Eurovisión na tele, y nos caberos años siempre que puedo xúntome colos collacios pa velu rodeaos de comida mientres glayamos quién debe ganar y quién non.

Reconozo que prestóme pola vida que ganarán loas finlandeses Lordi esti añu…

Considero que’l festival ta meyorando enforma y preséntase xente más divertida, como foi’l casu del austríacu Alf Poier qu’algamó un meritoriu quintu puestu en 2003 col tema Weil der Mensch zählt…

https://www.youtube.com/watch?v=pZ8xTD-Nr_o

Pos bien, estes meyores nun se ven reflexada nes participaciones españoles que nes caberes ediciones nun son más que morralla del estilo de triunfitos tipo Rosa d’España o Las Ketchup. El estilu de los “artistes” que manden a representanos ye claramente sureño cancios mui “tipical espanis”, qu’ensin llegar al estremu de Remedios Amaya, traten de vender la España de paella sol y toros… pero entos… ¿nun tenemos nada que decir los del norte?… ¿nun val la España de fabada orbayu y bolos?.

Paez que ta claro que los que tamos detrás d’estes montañones nun encaxamos nel perfil del españolín ideal, y quiciabes ye verdá que munches de les coses que valoramos y que mos presta a los españoles atlánticos nun val pa nada en Castiella y el Mediterráneu, pero… ¿y en Europa? De lo que se trata ye de ganar Eurovisión y paez que la España atlántica tien bastante más en comun con Europa qu’el resto d’España. Pos bien, cuido que ye hora de qu’un cantante asturianu de renome represente a España na próxima edición d’Eurovisión.

Evidentemente toi falando de Vicente Díaz, un home con 19 discos asoleyaos y más de 28 años nos escenarios. Un home que percorrió’l mundu acercando Asturies a los emigrantes d’esti país y que onde actúa hai llenu aseguráu.

Sería bien prestosu pa min ver a esti paisanu en Helsinki cantando “Qué tien esta sidrina”, por poner un exemplu, cancios gayoleros que animen romeríes asturianes y que toi convencíu triunfaríen n’Europa.

Un comentariu en “Vicente Díaz pa Eurovisión”

Zarráronse los comentarios.