Valledor se destapa

valledor

El que ye cabezaleru de la ‘estaya asturianista’ de IU y fuera candidatu a la presidencia del Principáu, Francisco Javier García Valledor, ta acabante de dar anuncia del proyeutu que-y ta llevando a desmarcase del restu de diputaos y conseyeros de la so formación na lexislatura actual. Failu güei nuna entrevista en LNE na que pon fecha (ochobre d’esti añu) pa la fundación d’una fuerza política “de izquierdas, asturianista, ecologista, republicana y altermundista, que tenga posición en el mundo y que aspire a tener un doble espacio federal en España y en Europa”. Pa ello, espurre la mano hacia UNA e ¿Izquierda Republicana? pa tratar d’axuntar fuerces nun proyeutu que l’entrevistador identifica con un ‘bloque nacionalista a la asturiana”. Ver veremos. A mín suéname más a Chunta aragonesista, que al BNG o Nafarroa Bai. ¿Realismu?. pel momentu dame igual: cualquier iniciativa d’esti tipu tien que se recibir con ilusión y curiosidá a la espera de que vaya cuayando. Da-y tiempu y que madureza, y ver cómo sal. Taremos sollertes.

2 comentarios en “Valledor se destapa”

  1. La impresion que tengo col tema ye que Valledor lanzalo como un globu sonda pa ver comu reacciona la xente. A mi paezme bastante bien la idea, pero que seya realmente pa contruyir una esquierda “del pais” alternativa al PSOE y non pa gobernar con elli.Tamien creo que lo “tradicional” nesti pais ye pelease pol repartu la miseria en llugar de xuntase pa superala.En definitiva paezme buenu el proyeutu pero bien dificil de llevar a cabu.

Responder

La direición de corréu electrónicu nun va espublizase. Ríquense los campos marcaos con *