A quien-y preste Michael Jackson…

Sam Tsui y Kurt Schneider son dos estudiantes universitarios americanos que gasten el tiempu en facer coses como esta. Sam canta, perbién, y Kurt cacipla cola cosa de la edición dixital de videu y soníu. Entamaron faciendo una versión de High School Musical (son asina ellos, que-yos vamos facer) y tan petándolo con esti ‘medley’ (por qué nun lu llamarán popurrí) del gran Michael Jackson.

Morrió’l más grande entertainer

michael_jackson

Morrió Michael Jackson, pa mí, el más grande entertainer de los últimos cuarenta años. Y morrió con 50.

Quédome col conciertu que gocé nel branu de 1992, con Thriller y Dirty Diana, con Billie Jean y Black or White, con Beat it y Smooth criminal. Quédome col ‘moon walk’ y la semeya que-y fizo Annie Leibovitz, y col cartafueyu que vien col vinilo cuádruple de History que m’autorregalara pal cumpleaños el mesmu día que saliera al mercáu (eses ediciones nun se baxen na mula). Quédome, tamién, col so canal oficial nel youtube, onde hai hores de videos inolvidables, y colos videos non oficiales coles sos apaiciones xunta los sos hermanos na television americana de los 70…