Sonia ye noticia…

Fai unos meses topeme pela cai a Sonia y a Rocio, les dos foron compañeres d’estudios y de folixes. Amás de falar pa xuntanos (los que nun somos lleendes urbanes) otra vegada nuna fartura, entrugamonos pola nuesa situación llaboral… Sonia taba ilusionada cola oposición que taba preparando pa ser maquinista na FEVE onde ya llevaba unos años trabayando na terminal de carga de Tresona, felicitela porque simpre me parecio un trabayu bien guapu, (dende guaḥe toi namoráu d’esti mediu de tresporte) y por supuesto alegreme munchu cuando m’enteré que yá yera maquinista.

Lo que nun me presto fue que Sonia ye noticia… ye que entá toi asustáu de que a estes altures de la vida seya noticia qu’heba muyeres trabayando en determinaes profesiones…

Felicidaes pol curro Sonia… y una cosina… ¿puedes colame na cabina? ;-p

Y gracies a Fer pol enllaz del youtube…

Ver el vídeu en Youtube

4 comentarios en “Sonia ye noticia…”

  1. “puedes colame na cabina ?”

    FRIKI !!!!

    digotelo de broma a mi tamien me presta abondo el tren.

    Felicidaes a la to amiga ! a mi lo de ser maquinista del tren tamien me parez muy interesante ,,, digotelo de verda.

    Un saludu

  2. El qu’esto subscribi xubió l’otru día’l puertu al llau d’un maquinista y tien que dicir que ye una experiencia perprestosa y altamente recomendable.

Responder

La direición de corréu electrónicu nun va espublizase. Ríquense los campos marcaos con *