Rafa y Faustino

Depués de lleer los análisis electorales que faen Rafa Palacios y Faustino Zapico nel Les Noticies de güei, nun paez tan difícil dalgo asina. Apurrimos el nuesu granín d’arena con un cutre bocetu de logo. 😉

loguin.gif

5 comentarios en “Rafa y Faustino”

  1. Nun sé, nun m’interesen, les engarradielles qu’hebo hasta agora, porque’l resultáu d’elles ye’l que ye, y cuido que tolos que llegaron hasta equí lo ficieron convencíos de que facíen lo meyor. Agora nun queda otra qu’axuntase y xugar les cartes que tenemos. Me da que los oxetivos son los mesmos (el que tea esperando ganar unes autonómiques o unes xenerales con un programa de diez folios pa declarar un estáu socialista va buenu) y lo que falta ye estructura pa trabayar en condiciones por esi oxetivu. ¿Programa del Bloque? ¿Programa d’Unidá? Nun m’abulten tan diferentes. Polo menos son más asemeyaos de lo que lo ye el del PCE, (al que-y rincha’l proyeutu asturianista) y el Bloque… y ehí tan. Paezme que la capacidá d’influencia del Bloque per esa vía tocó techu.
    Nun sé, too eso de fulanito y menganito pa casa… ya lo tengo oyíu tantes veces de tantes persones… que cuido qu’al final toos somos culpables. (Amás, Rafa Palacios, polo que vi nes sos intervenciones públiques, caeme mui bien, pa qué nos vamos engañar).
    ¿Y el PAS? Nel entrañable ‘Cartafueyu Asturianista’ se define como l’únicu partíu nacionalista d’Asturies… ye lliberal no económicu… axuntóse a una Uras nun matrimoniu de conveniencia que les sos bases (les del Pas) nun acaben de ver… Xuan Xosé casi paecía nestes últimes elecciones que facía campaña por Gabino nos sos artículos en LNE…
    A lo que voi, otru fracasu… l’asturianismu ta no más fondo d’un pozu del que nun va salir si anecia nes estratexes de la década última. ¿Qu’axuntase nun ye suficiente?, ya. Por eso confío nel espíritu col que naz Unidá. Pero fai falta cadarma organizativa, política de comunicación (d’otra manera, los medios fadrán lo posible por fundilu), cabezaleros confiables qu’afiten la imaxe d’un movimientu alternativu y democráticu, qu’apurra soluciones… ye too mui complicáu y mui grande.

Zarráronse los comentarios.