Nun diálogu de la película The Commitments decíen dalgo asina como que “los irlandeses somos los negros d’Europa”. De xuru que nun ye un pensamientu mui orixinal, pero dacuando cuido que los ‘asturfalantes’ somos los negros d’Asturies. Salvando les distancies, siempre viera dalguna asemeyanza ente la minoría prieta estaunidense y nosotros. Como movimientu social, que llucha pol reconocimientu de drechos civiles, tenemos contradicciones, tenemos los nuesos ‘Panteres prietes’, y los que son refugaos pol restu acusaos d’acombayar col ‘enemigu’, con una clas dirixente qu’oprime y nun mos quier reconocer. Sicasí, l’aición conxunta de toos, tendrá de servir p’algamar finxos a poco y a poco. Nun sé, acordéme de toes estes coses cuando atopé güei nel youtube esti clásicu: los Public Enemy dirixíos por Spike Lee.
