Presentamos… Ximiélgame.net

Ximiélgame

González y González Webrothers tien el presto de presentavos Ximiélgame.net, un proyeutu nel que venimos trabayando dende va ya unes selmanes y que naguamos por que vos preste a toos tantu como a nosotros mos prestó desenvolvelu y ponelu a la vuesa disposición.

Como ya vos imaxinaréis la mayoría, trátase d’una adaptación de Menéame a la comunidá asturiana n’internet. Poro, ye un sitiu nel que ye esa comunidá la que vota (ximielga) les noticies y hestories que los usuarios unvíen. Va cásique too. Cualisquier noticia que seya d’interés, podéis apurrila a la comunidá al traviés de Ximiélgame. Llueu, sedrá la xente la que diga si-yos interesa, o si queda pa prau. Que vos preste.

3 comentarios en “Presentamos… Ximiélgame.net”

  1. Bon proyeutu! Pasín ente pasín van saliendo cosines a la rede, ye dicir, vamos creando una globosfera dafechu n’asturianu. Norabona y gracies 😉

  2. Ya sabíamos que xente como vós, dibeis facer daqué tarde o tempranu. Bon trabayu y bona idea. Una d’eses coses necesaries. Un saludu dende’l Fortín del Chamicu y TrayasgayA.

  3. Perbona aniciativa, adulces ente toos tamos siendo quien a enanchar l’espaciu n’internet d’una llingua qu’intenten desaniciar dende les instituciones. ¡Norabona!

Zarráronse los comentarios.