9 comentarios en “Dignidá pa un pueblu”

  1. Ensin ganes d’entrar en discusiones fates (que paezo un tocacoyones y lo que menos quiero ye criticar un llabor, esti vidiu, tan prestoso y una trayeutoria brillante na bloguesfera, la de gyg):

    La discriminación que carecen les muyeres na llingua (y nel asturianu tamién) ye una realidá bien conocía y aceptada dende va munchu tiempu. Si bien ye verdá que nun s’empleguen equí “axetivos machistes” per se (coñazu vs. coyonudo / puta vs. gigoló…) sí que s’usen los plurales masculinizantes (pa lOs que…) a pesar de qu’en munches d’estes semeyes apaezan n’esclusiva o namás moces/muyeres. Ye un vezu mui espardíu pero por ello non menos “masculinizante”.

    Esto pue iguase de munches maneres: pue intentase usar fórmules comunes qu’aludan al grupu del tipu “pa la xente que…”, como de fecho se fai en dalguna ocasión. O tamién se pue usar “los” y “les” indistintamente, sigún seya muyer(es) o home(s) quien protagonice la semeya, como una manera de da-y la vuelta al argumentu. Otra ye l’usu de les opciones “los/les”, “los/es”…

    Más nada…un abrazu y nun me lo tomes a mal. Norabona pol trabayu por esta llingua dende gyg. Sois unos cracks 🙂

    Salú!

  2. Coimes, porque divemos tomalo a mal… cuido que los alderiques son enriquecedores, sicasí considero absurdo modificar una llingua pa igualizar los xeneros amás de perder riqueza nun idioma, que como’l asturianu, tien xénero neutro. Agora fálase hasta de feminizar profesiones, llegue a sentir “albañila”… pero que te parecería coses como “policíu” o “periodistu”… Cuando falamos de “pa los qu’escriben”, por exemplu, falamos en neutro, como cuando dicimos “pa la xente mozo”…

    Y gracies polos piropos… 😀

Responder

La direición de corréu electrónicu nun va espublizase. Ríquense los campos marcaos con *