Cristo vive (en Brasil)

Inri Cristo

Nestos tiempos nos que l’Arzobispu d’Uviéu llama a sínodo, atopámonos con que Cristo vive en Brasil y faise llamar Inri Cristo. La reencarnación del Mesías (diz que él mesmu se lo tien creyíu) yá ye una estrella televisiva con miles de seguidores (dellos porque-y creen, dellos porque s’escarcaxen a cada vegada que sal na tele). El caso ye que pel youtube ya cuerren bien de videos coles sos apariciones, los sos sermones. Hasta un milagru que pues ver darréu.

Nun son panes y pexes, pero qué más dará.

El caso ye qu’esti puntu fízose famosu en programes de televisión de coña, como un friqui más, pero cola bobería que hai pel mundu, yá tien montáu el so negociu.

Equí tenéis una bendición en 40 segundos.

https://www.youtube.com/watch?v=NXyjkF7H0pU

Inri Cristo. Esí ta’l mundu.

En su día fízome muncha gracia esti ‘Jesus Christ, The Musical’, pero Inri Cristo ye la bomba al so llau.

Con too, nin Inri Cristo nin el del videu últimu son pioneros. Cristo dio pa munchu nel Internet. Alcuérdome del puntu aquel que dende’l privilexáu púlpitu del dominiu www.jesus.com (güei lleva a una secta gay) sorteaba ente les sos adoratrices un bañu d’espuma o una ducha. Yeren los finales de los 90. Güei podeis atopalu nel Internet Archive.
Jesus.com

El caso ye que, d’una manera o otra, Cristo anda perhí.

Un comentariu en “Cristo vive (en Brasil)”

Zarráronse los comentarios.