Colunga irrita a Areces

Resulta que’l debate sobre l’estáu de la pación valió pa que rescample el miéu que tan xenerando los movimientos últimos del asturianismu nel ‘stablishment’ sociata. Asina quedó n’amuesa na respuesta que-y dedicó el presidente caducáu Areces al diputáu del Bloque por Asturies. Lloñe de responder a nada, dedicóse a espatuxar como una morsa reprochando a Colunga que seya diputáu y minoritariu, más que minoritariu minoritarísimu, microscópicu… a la fin, despreciatible… Areces cayó nuna trampa boba: acusa-y a Colunga d’afear agora a un gobiernu qu’enantes sofitó, pues igualmente Areces desprecia y menosprecia agora a una formación qu’enantes tuviere gustosamente como socia. La diferencia ye que foi la pequeña la que nun aguantó más el golor de la grande y marchó. ¿Oportunismu? Quién sabe… a la vista de cómo se irrita Areces, tal paez que nel Bloque, UNA y redolada, tan dando pasos acertaos. Na FSA saben muncho d’encuestes… ¿qué dirán les que tan manexando a siete meses de les elecciones? Con un PP d’engarradiella n’engarradiella, y una IU fiel… l’enemigu que ven nel PSOE estos díes paez que venga pela izquierda y pel asturianismu…

4 comentarios en “Colunga irrita a Areces”

  1. ¿Cuánto apostáis a qu’a pocu tiempu de les eleiciones IU y PSOE ruempen el so pautu de gobiernu? Esa película paezme que yá la tengo vista hai cuatro años…

    Tais mui acertaos no que dicís. Polo menos yo tamién lo pienso. Saludos.

Responder

La direición de corréu electrónicu nun va espublizase. Ríquense los campos marcaos con *