Arguyu billingüe (Somos chinos ¿non? #1)

Pailin Rattanasangsatian (WhaWha), y Supachaya Lattisophonkul (Bell) son les ‘China Dolls’, una pareya vocal tailandesa pa teenagers asiáticos que fai de la so condición billingüe un elementu pal ésitu. El so primer bombazu foi’l cantar en tailandés Muay Ni Kha (Soi china), nel que facíen gala de la so condición de minoría étnica (magar que privilexada) en Tailandia, y que depués foi tornáu al mandarín.  Nos sos discos amiesten cantares en mandarín y en tailandés, lo que-yos fexo ser abondo conocíes en China, Singapur o Malasia.
https://www.youtube.com/watch?v=2FpfF12Dbgo

Parque temáticu

Yogui

Yá lu dixera’l preclaru Tini Areces cuantayá: el so gobiernu ve Asturies como un parque temáticu, coles sos atracciones museístiques, aboríxenes, carbayos y osinos en perfeutu estáu de revista pal turista. Faltábamos la mascota, y yá la tenemos: Ye Yogui, l’osu Yogui col so collaciu Bubú.

Esta Asturies bizarra na que mos tamos convirtiendo va gastase 5,4 millones d’euros (Migoya dixit) en que los osinos de Yellowstone mos anuncien per España, o lo que ye lo mismo: más del doble del ‘históricu’ presupuestu pa promoción y proteición de la llingua.

Sigui lleendo Parque temáticu

Normalización y puteríu

Si dalgo va camín de tar normalizáu n’Asturies ye’l puteríu. De va unos años p’acá les cases de putes tan desenvolviendo adulces un procesu que va camín de convertise nun auténticu fechu diferencial asturianu. El puteríu ya ta na vida de los asturianos, ta presente en cualisquier requexu y tien un espaciu, pagáu eso si, enforma más importante nos medios de comunicación del país qu’otres cuestiones como la lliteratura n’asturianu o la investigación científica. Equí vamos tratar d’esplicar un fenómenu que bien puede valir como exemplu pa otres estayes de la sociedá asturiana. Sigui lleendo Normalización y puteríu

Vuelve MicroHobby

Más o menos nel añu 85 (con unos 4 añinos) tuve los mios primeros contautos cola informática con un Sinclair ZX Spectrum de 48 kb (“el gomes”) que la mio güela regalo-y al mio hermanu pa reis.

L’usu que-y dimos a esti ordenador namás que foi pa xugar coles casetes que tardaben dos hores en cargar y gracies a esti aparatín conocí tamién la mítica revista de videoxuegos MicroHobby, que’l mio hermanu mercaba nel quioscu de Fausti (xusto embaxu de mio casa).

Pos bien resulta que güei, dempués de más de 20 años, un par de frikis punxose a scanear tolos númberos completos de la revista y a colgalos en http://www.microhobby.org/, enantes contautaron con Hobby Press, empresa propietaria del copyright, pa pedi-yos permisu pa espublizala. Pa una descarga más fácil puedes usar tamién un espeyu ftp:
ftp//ftp.worldofspectrum.org/pub/sinclair/magazines/MicroHobby/

Pongovos tamién un videu que topé en youtube d’uno de los xuegos del spectrum al que más enganché… Jetpac