Big Buck Bunny

Big Buck Bunny ye’l titulu del segundu cortu d’animación del Orange Open Movie Project, proyeutu de la Fundación Blender que produz películes con llicencies llibres y usando software llibre.

Tanto nel so primer proyeutu, Elephants Dream, como nel que tan acabantes de presentar ficeron usu intensivu de ferramientes como Blender, Gimp o CinePaint… y por supuestu en plataformes GNU/Linux.

Dende la so web podéis descargar la película o collaborar mercando’l dvd, la llicencia pa esti proyeutu ye Creative Commons by-3.0.

[kml_flashembed movie="http://youtube.com/v/YE7VzlLtp-4" width="425" height="350" wmode="transparent" /]

Ubuntu Tribe, the movie

Ubuntu Tribe, un garrapiellu de xente enfotada en da-y puxu al euskera al traviés del software llibre ta acabante d’asoleyar el trailer de lo que sedrá ‘Ubuntu Tribe, the movie’, un proyeutu de mediumetraxe col que difundir el so trabayu al empar del usu de llicencies llibres y el llabor n’andecha pala creación y difusión de la cultura y el desendolcu de ferramientes informátiques.

[kml_flashembed movie="http://www.youtube.com/v/tGbsYZsKD1M" width="425" height="350" wmode="transparent" /]

Güei, cine

Enllace de descarga

Archive.org, esi sitiu nunca bien ponderáu, ufierta un nuevu serviciu, entá en fase beta, qu’abúltanos de lo más prestoso. Amás d’ufrir la posibilidá de descargar archivos nel dominiu públicu o non suxetos a torgues na so distribución, copia o difusión, tamién ufierta delles películes en streaming en formatu .flv. N’amuesa, déxovos el perprestosu El Gabinete del Doctor Caligari (títulos n’inglés).

Doblaxe

Sabréis de la acoyida que tovieron dos clips de la peli El Rei Lleón nos que los diálogos tan doblaos al asturianu. Nun ye la primer vez que se fai daqué asina, amás de la serie El faru d’Illán, qu’emitió Teleasturias, fízose dalgo asemeyao pal décimu aniversariu de Les Noticies con un cachu de La vida de Brian. Pero el casu ye qu’esto ta fechu por dos actores porque sí. Demuestren que con un pocoñín de voluntá, la televisión pública asturiana diba poder facer daqué asturiano, divertíu, averáu y n’asturianu. Ánimo y p’alantre.