Al PP-y da pol outing

OutingRajoy

Nun sé si taréis al tantu, pero al PP-y dio pol outing. Dende que se supo que la candidata del PSOE de Avilés ye la conceyala Pilar Varela, dellos sectores de la derecha avilesina enfotáronse en ¿desprestixala? asoleyando ‘rumores’ a mou ‘chistes de mariquitas’ revistíos de ‘apuntes biográficos’ de la susodicha.

Pero la cosa nun podía quedar ehí. Había que ‘destapar’ a esta muyer, sacala del armariu nel que taba metida, glayar al altu la lleva con quién s’acuesta y con quién se llevanta. Y ya lo ficieron cola collaboración, too hai que dicilo, de La Nueva España. Una acusación de nepotismu (sin más argumentu que la sospecha) y negada darréu pola afectada, foi la escusa perfeuta pa apuntar col deu a la conceyala socialista pa dici-y que ‘tien novia’, daque que tamién negó dafechu Pilar Varela.

La cosa tien un puntu. Habrá quien diga que, ‘qué pasa, ¿nun ye normal saber si un conceyal ta casáu o solteru?’. Y (emulando a Xabel) González y González diz: sí, ye normal, siempre qu’el conceyal en cuestión considere que deba o puea dicilo. Porque, de nun ser asina, taríamos xustificando actitúes llamargoses: ¿ha saber la ciudadanía con quién, con cuántes o cuántos, o cómo folla caún de los candidatos? De xuru que la política asturiano diba ser muncho más divertida, pero tamién díbamos perder la perspectiva de lo que ye importante pal país.

Si Pilar Varela ye o nun ye lesbiana, si-y gusta el BDSM o les freses con ñata, a nos, impórtanos un res. Bastante perversión ye tar nel PSOE, qu’eso sí qu’inflúi y ye importante, pa nun votala.

Un comentariu en “Al PP-y da pol outing”

  1. me cagon mi manto esto que ye pa despretixar a Pilar Varela o pa disimular les sos actuaciones como política… que ye lo que sigue… ¿Cascos puteru o Tini gordu? cuando lo grave ye que son conceyales!!

Zarráronse los comentarios.